"Geridə iz buraxmaq istəyirəm” - "Aris"in baş məşqçisi
“Neftçi”nin Konfrans Liqasının 2-ci təsnifat mərhələsindəki rəqibi olan “Aris”in (Limassol) baş məşqçisi Aleksey Şpilevski Kiprdə klub seçimində pulun rolu olub-olmaması haqda sualı cavablandırıb.
Football-plus.az xəbər verir ki, çalışdırıcı maraqlı layihənin lehinə seçim etdiyini deyib:
“Aydındı ki, mən pul itirmək istəmirəm, amma burda milyonlar qazanmıram. Bu kifayət qədər adekvat puldu. Mən heç vaxt deməzdim ki, bahalı məşqçiyəm. Bu, sırf idman qərarı idi. Başqa təkliflər də var idi, amma mən klubun sahibi ilə anlaşmaq istəyirdim. Yəni birbaşa əlaqə olsun və biz eyni baxışlara sahib olaq. Mən bunu hiss edirəm və bir məşqçi kimi bu mənim üçün çox vacibdi. Gəlib nömrəni qoyub, tez nəticə çıxarmağa çalışan və gedən məşqçi deyiləm. Geridə iz buraxmaq istəyirəm”.
Digər xəbərlər
