Türkiyə təmsilçisi ''Göztəpə''nın forvardı Juan Santosun ÇSKA-ya transferi son anda baş tutmayıb. Halbuki Türkiyə mənbələri keçidin bitdiyini iddia edirdi.

Elə izmirlilərin prezidenti Rasmus Ankersen də Rusiya klubu ilə 15 milyon avro və müxtəlif bonuslar qarşılığında anlaşma əldə etdiklərini açıqlamışdı. Amma srağagün Rusiyadan tamam fərqli xəbərlər gəldi. Sən demə ÇSKA rəhbərliyi braziliyalı hücumçunun bütün keyfiyyətlərini analiz edərək onun 15 milyon avroya dəymədiyi qənaətinə gəliblər.

''Hərbçilər'' ''Göztəpə'' rəhbərliyinə təşəkkür bildirərək danışıqları başa çatdırıblar. Daha doğrusu, ÇSKA-nın baş məşqçisi 15 milyon avroya Juandan da yaxşı hücumçu tapmağın mümkün olduğuna rəhbərliyi inandırıb. Bu yay ''Göztəpə''nin hazırlıq oyunlarında iştirak etməyən Juanın, eləcə də ''Koventri'' və ''Elversberq''in maraq dairəsində olan nigeriyalı yarımmüdafiəçi Entoni Dennisin gələcək taleyi maraq doğurur.

Juan ''Göztəpə''də keçirdiyi iki mövsüm ərzində 60 rəsmi oyunda 19 qol, 8 məhsuldar ötürmə ilə fərqlənib.