Həm futbolçu, həm də baş məşqçi kimi futbol tarixinə damğa vurmuş isimlərdən biri olan Zinəddin Zidanla bağlı maraqlı xəbər yayılıb.
"Football-plus.az" xəbər verir ki, saçları çoxdan tökülən Zidanın başının keçəl olmasına futbol dünyası çoxdan alışıb. Amma o özü deyəsən, hələ də keçəl olması ilə barışa bilmir. Həm Türkiyə, həm də Avropa mətbuatının yazdığına inansaq, Zidan saç əkdirmək üçün bir müddət öncə İstanbula gəlibmiş! Məşhur fransalı futbol adamının bu proses üçün qardaş ölkəni seçməsi təəccüblü görünməməlidi. Çünki Türkiyə saç əkimində dünyanın qabaqcıl ölkələrindən sayılır. Deyilənə görə, Zizu bu olayın gizli qalması üçün otel rezervasiyasını menecerinin adına etdirib.
''Hürriyət''in yazarı Mehmet Üstündağın məlumatına inansaq, Zidan ''Raffles Hotel''də iki həftə qaldıqdan və müvafiq əməliyyat olunduqdan sonra vətəni Fransaya qayıdıb. Amma ötən ay 50 illik yubileyini qeyd edən Zizunun konkret hansı ayda və hansı tarixlərdə Türkiyədə olduğu barədə məlumat verilmir. Elə Zidanın sosial şəbəkələrdə paylaşdığı son şəkillərdə də onun xarici görünüşündə bir dəyişiklik hiss olunmur. Ona görə də bu xəbərin reallığı əks etdirib-etdirmədiyini yalnız zaman göstərəcək.