Azərbaycanlı futbolçu Türkiyə klubuna şərtini deyib - AÇIQLAMALAR
Mövsüm bitəndən sonra bir neçə tanınmış futbolçu komandasız qaldı.
Onlardan Elvin Yunuszadənin “Kəpəz”ə keçidi rəsmiləşdi. Digərləri ilə bağlı isə hələ də rəsmi məlumat yoxdu. “Səbail”dən ayrılan Əfran İsmayılovun karyerasını bitirmək variantı da var idi. Futbolçu bir müddət düşünüb qərar verəcəyini söyləmişdi. Türkiyənin “Keçiörəngücü” klubundan ayrılan Vüsal İsgəndərli, elitaya yeni qatılan “Kəpəz”in heyətindən kənarda qalan İbrahim Qədirzadə də hazırda qeyri-müəyyən qalanlardandı. “Football-plus.az” saytı olaraq adı çəkilən futbolçuların karyeraları ilə bağlı dəqiq məlumat almağa çalışdıq.
Vüsal İsgəndərli:“Əslində dünən dəqiqləşməli idi. Amma qaldı. Yəqin ki, bazar ertəsi dəqiq bilinəcək. Türkiyədən “Boluspor”la danışıq aparılıb, xəbər gözləyirik. Mən onlara şərtimi demişəm, indi cavab gözləyirəm. Razı olmasalar, başqa bir variant fikirləşəcəm. Amma hazırda ən optimal variant “Boluspor”du”.
Əfran İsmayılov:“Həftəsonu olduğuna görə bir şey edə bilmirəm. Növbəti həftənin ilk günlərində qərar verəcəm. Növbəti həftənin sonlarına kimi dəqiq bilinəcək”.
İbrahim Qədirzadə haqda məlumatı futbolçunun meneceri Vaqif Heydərlidən aldıq:“Böyük ehtimalla “Zaqatala”ya keçəcək. Danışıqlar da olub. Bu yaxınlarda rəsmiləşəcəyi gözlənilir”.
Məlumatı dəqiqləşdirmək üçün “Zaqatala”nın baş məşqçisi Rüstəm Məmmədovla da danışmağı lazım bildik: “Bəli, razılıq əldə olunub. İnşallah, yeni mövsümdə İbrahim Qədirzadə bizimlə olacaq. Yalnız müqaviləyə qol çəkməyi qalıb ki, bu da iyulun 15-də baş tutacaq. Çünki komanda bu tarixdə bir araya gələcək”.
ŞAİR ABDULLA
Digər xəbərlər
