Premyer-liqada qaydalar sərtləşdirildi
İngiltərə premyer-liqasında azarkeşlər üçün davranış qaydaları sərtləşdirilib.
Qərar eyniadlı qurumun illik ümumi yığıncağında verilib. Gələn mövsümdən qonaq komandaların azarkeşlərini stüardlar müşayiət edəcəklər. Meydana çıxan azarkeşin yalnız tərəfdarı olduğu klubun deyil, hər hansı digər komandanın matçlarını stadionda izləməsinə də ömürlük qadağa qoyulacaq. Bu qərara premyer-liqanın ötən mövsümünün sonlarında oxşar hadisələrin tez-tez baş verməsi rəvac verib. Premyer-liqanın rəhbəri Riçard Masters yeni qərarı belə şərh edib: “Azarkeşlər yadda saxlamalıdılar ki, istənilən vaxt meydana qaçmaq qanunsuzluqdu. Meydan yalnız futbol oynamaq üçün nəzərdə tutulub. Oyunçular, məşqçilər, hakimlər və işçilər öz təhlükəsizliklərinə görə qorxuya düşməməlidilər”.
