“Qarabağ” legioneri ilə müqavilə bağlayıb? – AÇIQLAMA
“Qarabağ” premyer-liqanın 2021/22 mövsümünün qalibi olmaqla Çempionlar Liqasının təsnifat mərhələsində çıxış etmək haqqı qazandı.
“Köhlən atlar” komandanı gücləndirmək yolunda işləri davam etdirir. Qurban Qurbanov hazırkı heyətdən məmnun qaldığından ilk növbədə cari “futbol ili”ndə meydanda olanları klubda saxlmağı planlaşdırır. Belə futbolçulardan biri də qış “transfer pəncərəsi”ndə icarə əsasında “Qarabağ”a qoşulan Luka Quqeşaşvilidi.
Mətbuatda Ağdam klubunun “Yageloniya”ya məxsus olan gənc qapıçını birdəfəlik heyətinə qatmaq istədiyi ilə bağlı xəbərlər yayılıb. Yazılanlara inansaq, “köhlən atlar” gürcü qolkiperə müddəti 2025-ci ilədək olan müqavilə təklif edib. Xəbərin doğru olub-olmadığını öyrənmək üçün “Qarabağ”ın mətbuat xidmətinin rəhbəri Gündüz Abbaszadə ilə danışmağı lazım bildik. Klub rəsmisinin “Football-plus.az” saytına açıqalaması belə oldu: “Hazırda yalnız Azərbaycan kubokunun finalını düşünürük. Hansısa futbolçunun müqaviləsi ilə bağlı yenilik olarsa, ictimaiyytə məlumat verəcəyik”.
SƏNƏM FƏRHADOVA
