''Fənərbaxça''nın gənc ulduzu Arda Gülər Avropa klublarının diqqətini cəlb etməkdə davam edir.

"Football-plus.az" xəbər verir ki, 17 yaşlı futbolçuya Dortmund ''Borussiya''sı maraq göstərir. Bu xəbəri İspaniya mətbuatı yayıb. Xəbərdə qeyd olunub ki, almanlar istedadlı futbolçunun transfer dəyəri ilə maraqlanıblar. ''Fənərbaxça'' rəhbərliyi isə belə desək, qapını 30 milyon avrodan açıb.

Keçid bu qiymətə baş tutsa, Arda klub tarixində ən baha qiymətə satılan futbolçuya çevriləcək. Hazırda bu rekord 2016-da 17 milyon avroya satılan Mussa Souya məxsusdu. Bu mövsümdən etibarən ''Fənər''in əsas komandasında şans qazanmağa başlayan Arda 2021/22-də ümumilikdə 24 rəsmi oyunda 1047 dəqiqə meydanda oldu və 7 qol, 9 məhsuldar ötürməlik performans sərgilədi.