Xabi Alonso ilə bağlı bir neçə gün əvvəl yayılan xəbər doğru çıxıb.

“Real Sosyedad”ın ikinci komandasının baş məşqçisi iyunda klubdan ayrılacaq. O, İspaniya klubu ilə iyunun 30-da qüvvədən düşəcək müqaviləsini yeniləmək istəməyib. “Liverpul”, “Real”, “Bavariya” və İspaniya yığmasının keçmiş yarımmüdafiəçisi “Real Sosyedad-2”ni 2019-cu ildən çalışdırır.
Komandanın 2-ci diviziondakı işləri isə olduqca pisdi. Baskoniya təmsilçisi mövsümün sonuna 1 tur qalmış 22 komanda arasında 19-cu yeri tutur. Yeri gəlmişkən, 40 yaşlı Alonsonun yeni mövsümdən “Brügge”ni çalışdıracağı iddia edilir.