Vaxtından əvvəl çempionluğu bayram edən “Qarabağ” indidən qarşıdakı mövsümün planlarını qurur.

"Football-plus.az"ın da xəbər verdiyi kimi, çempion baş məşqçi Qurban Qurbanov və müdafiəçi Kevin Medina ilə 3 illik müqavilə imzalayıb. Bunlar ictimaiyyətə rəsmən açıqlanan xəbərlərdi.

Amma Ağdam təmsilçisi ilə bağlı redaksiyamıza yeni məlumatlar da daxil olub. Belə ki, çempion Patrik Andrade ilə razılıq əldə edib, yarımmüdafiəçi ilə tezliklə yeni müqavilə imzalanacaq. Xayme Romero, Riçard Almeyda və Rauf Hüseynli ilə yollar ayrılacaq. İcarədə olan futbolçu Qaspar Panadero ilə Ovusu Kvabena razılıq əsasında hazırda çıxış etdikləri klublarda qalacaqlar. 

İLKİN SULTANLI