“Qarabağ”ın daha bir futbolçusu karyerasını Türkiyədə davam etdirə bilər.

Söhbət kabo verdeli Patrik Andradedən gedir. Yarımmüdafiəçi ilə TFF 1-ci liqada çıxış edən “Ankaragücü” yaxından maraqlanır. Paytaxt təmsilçisi menecerlər vasitəsilə Andrade ilə danışıqlara başlayıb. 29 yaşlı afrikalı futbolçu mövsümün sonu bu haqda düşünə biləcəyini Ankara klubunun menecerlərinə çatdırıb. Patrikin Ağdam təmsilçisi ilə müqaviləsinin müddəti iyunun 30-da bitir.

Qeyd edək ki, “Ankaragücü” TFF 1-ci liqada 30 oyundan sonra 60 xalla ilk pillədə qərarlaşıb. “Qarabağ”a məxsus olan Kvabena Ovusu da icarə əsasında Mustafa Dalcının komandasında çıxış edir.


İLKİN SULTANLI