“Biz yenicə çempion olan “Real”a hörmət edirik, amma...” - Dieqo Simeone
“Atletiko”nun oyunçuları La Liqanın 35-ci turunun “Real”la matçından əvvəl rəqib üçün çempionluq dəhlizi təşkil etməyəcəklər.
Artıq oyunçuların qərarı klub səviyyəsində təsdiqlənib. Bununla belə, rəhbərlik azarkeşlərin mövqeyini də nəzərə alıb. Çünki fanatlar da komandanın prinsipial rəqibi üçün çempionluq dəhlizi təşkil etməsini istəmirlər. Qeyd edək ki, “Real” aprelin 30-da “Espanyol” üzərində qələbə (4:0) ilə çempionluğu erkən rəsmiləşdirib. Jurnalistlər bu gün keçiriləcək “Atletiko” – “Real” matçından əvvəl ev sahiblərinin baş məşqçisi Dieqo Simeonenin aktual mövzu ilə bağlı fikrini öyrənib: “Bu məsələ ətrafında daim çoxsaylı suallar doğrulur. Artıq klubun bəyanatında reallıq əksini tapıb. İlk növbədə “Real”ı, oyunçuları və məqçiləri çempionluq münasibəti ilə təbrik etmək lazımdı. Çünki onlar böyük iş görüblər. Biz yenicə çempion olan “Real”a hörmət edirik, amma hər gün bizimlə birgə olan azarkeşlərimizə hörmətimiz daha böyükdü”.
Digər xəbərlər
