Məlum olduğu kimi''Real'' dünən''Espanyol''u darmadağın edərək tarixinin 35-ci çempionluğunu qazandı.

Madrid nəhəngi bu çempionluq sayəsində əzəli rəqibi ''Barselona''dan bir qədər də aralandı. Kataloniyalıların 26 çempionluğu var. Bundan başqa ''Real'' titul sayında da prinsipial rəqibini geridə qoydu. Indi ''Real''ın 95, ''Barselona''nın 94 titulu var. Ən əsası madridlilərin çalışdırıcısı Karlo Ançelotti həm İspaniya çempionatının, həm də Avropa futbolunun tarixinə düşdü. 62 yaş 325 günlüyündə bu sevinci yaşayan Ançelotti turnirin tarixinə ən yaşlı çempion məşqçi kimi düşdü. İtaliyalı mütəxəssisin ən böyük uğuru isə odu ki, Ançelotti futbol tarixində''böyuk beşlik'' ölkələrinin hər birində çempion olmuş ilk məşqçi oldu. Ançelotti daha öncə 2003/04-də ''Milan''la İtaliya, 2009/10-da ''Çelsi'' iləİngiltərə, 2012/13-də PSJ ilə Fransa, 2016/17-də isə''Bavariya'' ilə Almaniya çempionu olmuşdu.