“Mersedes” Mayamidə yenilikləri sınayacaq
“Mersedes” komandasının rəhbəri Toto Volff bildirib ki, Mayami yarışında bəzi yenilikləri sınayacaqlar:
“İmola mərhələsi bizim üçün çətin keçdi. Corc Rassell zəif maşınla əla performans göstərdi. Lüis Hemiltona isə əsl sürətini göstərə biləcəyi şəraiti yaratmadıq. İtaliyadan qayıtdıqdan sonra çox şey öyrəndik. Aerodinamik boruda və simulyatorda öyrənməyə davam etdik. Bolidi təkmilləşdirmək üçün bəzi şeylər planlaşdırdıq və Mayamidə sınaqlar edəcəyik. Ümid edirəm ki, doğru yön taparıq. Hər iki sürücü Mayamidən əvvəl simulyatorda işləyirlər. Bazada da yeniliklər üzərində işlər gedir. Sakit dənizdən heç vaxt güclü dənizçi çıxmayıb. Bu komanda həmişə gücünü göstərib və builki başlanğıc komandadakı işçilərin içindəki atəşi çölə çıxardı. Hamı əlindən gələni edir”.
Xatırladaq ki, ilk dörd mərhələdən sonra hesabında 77 xal olan “Mersedes” Mühəndislər kubokunda 3-cü pillədə qərarlaşıb.
Digər xəbərlər
