"Mahir Kopiçin tələblərinə uyğun deyil"
Xorvatiya mətbuatında Mahir Emrelinin "Dinamo"dakı çıxışı ilə bağlı xəbər yazılıb.
"Football-plus.az" saytının məlumatına görə, "Jutarnji List" nəşri millimizin hücumçusunun hazır olmadığını bildirib:"Azərbaycanlı hücumçu yanvarda komandaya gəlib. Tam təlim-məşq toplanışı keçməyib. Forma yığması və komandaya, yerli futbola adaptasiya olması üçün vaxta ehtiyacı var. Mahir hələ ki, heç bir matçı 90 dəqiqə keçirməyib. Onun indiyə qədər göstərdikləri "Dinamo"ya lazım olandan çox azdı. Onu ancaq "Şibenik"lə matçın bəzi epizodlarında xatırlayırıq ki, o, öz bacarığını nümayiş etdirib. Hələlik onun yeni komanda yoldaşları anlaşmadığı və Kopiçin tələblərinə tam uyğun gəlmədiyi aydındı".
Digər xəbərlər
