"Mahir 20 il əvvəl "Dinamo"da oynasaydı, çox bəyənilərdi"
Xorvatiya mətbuatında Mahir Emreli ilə bağlı diqqət çəkən xəbər yazılıb.
"Football-plus.az" saytının məlumatına görə, həmkarlarımız millimizin üzvünün çempionatın 29-cu turunda "Draqovolyaç"la oyunda (2:0) göstərdiyi performansı dəyərləndirib. Mənbədə onun uzaq məsafədən qapıya doğru endirdiyi zərbənin dirəyə dəyməsi xüsusi olaraq qeyd edilib:"Mahir Emreli ehtiyat oyunçular skamyasından ayrıldı. Bu, yaxşı xəbərdi. O artıq zədədən xilas olub. "Dinamo"da ilk qolunu vurmağa da çox yaxın idi. Ancaq zərbəsi tirə dəydi. Bu, onun üçün ikinci belə bəxtsiz andı. Daha əvvəl "Sibenik"lə matçda da eyni şey olmuşdu. Mahir 20 il əvvəl "Dinamo"da oynasaydı, çox bəyənilərdi və məşqlərdən sonra duşa ilk girən futbolçu olardı. Çünki həmin zaman məşqin sonunda hamının topu tirə vurması lazım idi. Alınana qədər cəhd edirdilər.. Ancaq yaxın vaxtda Emrelinin qapıya düşəcəyini düşünürəm".
Digər xəbərlər
