Meksika çempionatının “Keretaro” və “Atlas” komandaları arasında yarımçıq dayandırılan 9-cu turun oyunu ilə bağlı qərar verilib.

Bu barədə yerli mətbuat xəbər yayıb. Qərarı Meksika Futbol Federasiyası verib. “Keretaro” bir il ərzində ev oyunlarını başqa stadionda, azarkeşsiz keçirəcək. Bundan başqa, klubun aşağı yaş qruplarından və qadınlardan ibarət komandalarının oyunlarına da azarkeşlər iştirak etməyəcək. Klubun hazırkı rəhbərliyi isə 5 il müddətinə bütün futbol yarışlarından kənarlaşdırılıb. “Keretaro”ya 70 min dollar cərimə kəsilib, “Atlas”la matçda texniki məğlubiyyət verilib. “Keretaro” rəhbərliyinə ilin sonunadək klubu satmaq üçün vaxt verilib. Komandanın fan-klubları 3 il ev, 1 il səfər matçlarında stadionlara buraxılmayacaq.