Millətlər Liqasının Belarus – Azərbaycan oyununa azarkeşlər buraxılmayacaqlar.

"Football-plus.az" xəbər verir ki, bu barədə Serbiyanın “Novosti.rs” nəşri məlumat yayıb.

Məlum olduğu kimi, UEFA Belarus millisinin ML-da üç ev oyununun Serbiyanın Novi Sad şəhərində keçirilməsi haqda qərar verib. Qəzetin yazdığına görə, Slovakiya (3 iyun), Azərbaycan (6 iyun) və Qazaxıstanla (10 iyun) matçlara tamaşaçı buraxılmayacaq. Bu haqda qərarı UEFA verib.

Qeyd edək ki, Belarus millisinin ev oyunlarını öz meydanında keçirməsinə qadağa qoyub. Buna səbəb rəsmi Minskin Rusiya - Ukrayna müharibəsində Kremli dəstəkləyən mövqe tutmasıdı.