“Düzdü, artıq “Şəfa”nın futbolçusuyam. İlk məşqə də bu gün çıxdım. Açığı, “İmişli”də getməyimi istəmirdilər. Düz deyirsiz ki, elitada fərqli atmosfer var. Amma birinci liqanın da öz çətinliyi, dinamikası var. Məncə, “Şəfa” çox yaxşı komandadı. Gələcək üçün də yaxşı planları var. Hətta şərait və peşəkarlıq baxımından bəzi elita klublarından üstündü. “İmişli”də az şans qazanırdım. Lap keyfiyyətli legionerləri də yoxdu ki, onlardan nəsə öyrənim, inkişaf edim. “Qarabağ”, “Sabah”, “Neftçi”, “Zirə”nin legionerləri səviyyəsində deyillər. Maaş fərqi cüzi də olsa, var. “Şəfa” bu mənada özünü göstərməliydi, onu da etdi. Mən bu komandaya maaşa görə yox, gələcəyimi düşündüyümə, inkişafıma görə gəlmişəm. Əsas heyətdə oynayacağımla bağlı zəmanət verməyiblər. Belə şeyin sığortası yoxdu. Mənim bunu istəməyim də düzgün olmaz. Amma özümə güvənirəm. Zədə olmasa, oynayacam”.