“Neftçi” “Şaxtyor”un yarımmüdafiəçisi Dmitri Topalovu transfer etməkdə maraqlıdı.

"Football-plus.az" xəbər verir ki, bununla bağlı xəbəri Ukrayna mətbuatı yayıb. Həmkarlarımızın iddiasına inansaq, tərəflər hazırda danışıq aparır. Paytaxt klubunun 27 yaşlı oyunçuya altı aylıq müqavilə təklif etdiyi bildirilir. Topalovun bu müddət ərzində özünü doğrultması halında, ona birillik müqavilə təklif olunacaq.

“Ağ-qaralar”ın baş məşqçisi Yuri Vernidub transferrin gerçəkləşməsi üçün çalışır və klub rəhbərliyi ilə bu barədə danışıb. Ukraynalı mütəxəssis ümid edir ki, "Neftçi" istədiyi futbolçunun Ukraynadan ayrılması üçün xüsusi icazəni əldə edə biləcək.

27 yaşlı futbolçu “Şaxtyor”un yetirməsi olsa da, “Mariupol”, “Kolos” və “LNZ Çerkassı” klublarında icarə əsasında oynayıb. Toplaovun "Şaxtyor"la müqavilə müddəti dekabrın 31-də başa çatacaq.