"Hamının narahat olduğundan xəbərdarıq. Komanda Buxarestdən oyunun keçiriləcəyi stadiona avtobusla 4 saatlıq yol gəlmişdi. Bu üzdən, yorğunluq var idi. Lakin bütün gücümüzü toparlatıb əsas rəqib kimi qələmə verilən "Yunayted Qalati"ni məğlub etdik. İkinci oyuna hazırlaşmaq üçün yetərincə vaxt olmadı. Çünki futzalçıların istirahəti üçün 24 saat vaxt lazım idi. Belədə "Differdanj-03"lə "sülh"ə razılaşmağa məcbur qaldıq. Amma üzülmürük. Komandada əhval-ruhiyyə yüksəkdi. Məşqçilər futzalçılarla həm fərdi, həm də birlikdə söhbətlər edib. "Taygers Roermond"un qarşılaşmalarını analiz etmişik. Heyətə gəlincə, Alleks Rezende zədəli olduğu üçün bu oyunu buraxacaq. Qalan hər şey qaydasındadı. İnanırıq ki, bugünkü matçda qalib gələcəyik. "Araz-Naxçıvan"ın gücünə bələdəm. İnşallah, bu çətin sınaqdan üzüağ çıxacağıq".