"Araz-Naxçıvan" futzal üzrə Çempionlar Liqasının əsas mərhələsində 2-ci oyununu keçirib.

"Football-plus.az" xəbər verir ki, Yevgeni Kukseviçin baş məşqçisi olduğu komanda Lüksemburq çempionu "Differdanje 03" ilə qarşılaşıb.

"Sala Sporturilor Dunarea"da oynanılan matç 2:2 hesabı ilə başa çatıb. Azərbaycan təmsilçisinin qollarını Can Perruzo (15) və Luici Lonqo (38) vurublar.

"Araz-Naxçıvan" 4 xalla qrupda liderdi. "Tigers Roermond" (Niderland) 2 xalla 2-ci, "Differdanje 03" (Lüksemburq) 1 xalla 3-cüdü. Sonuncu olan "Yunayted Qalati"nin (Rumıniya) xalı yoxdu.

Xatırladaq ki, "Araz-Naxçıvan" ilk oyunda Rumıniyanın "Yunayted Qalati" klubuna qalib gəlib - 2:1. Təmsilçimiz sonuncu matçını noyabrın 1-də "Tigers Roermond"a (Niderland) qarşı keçirəcək.