Bugünkü “Qarabağ” - “Turan Tovuz” matçını Cavid Cəlilov idarə edəcək. O, 24 çempionat oyununda əsas söz sahibi olub. Futbolçulara 53 sarı vərəqə göstərib.

Cavid bəy cari mövsümdə tovuzluların üç çempionat oyununu idarə edib ki, birində onların yolu məhz “Qarabağ”la kəsişib. Söhbət 20-ci turun yanvarın 26-da “Bəhramov”da keçirilən “Qarabağ” – “Turan Tovuz” oyunundan (1:2) gedir.

Amma Cəlilov “Turan Tovuz”a yalnız qələbə bəxş etməyib. Kurban Berdıyevin çalışdırdığı komanda məhz adı çəkilən referinin idarə etditi oyunda – ötən il noyabrın 29-da “Liv Bona Dea Arena”da “Araz-Naxçıvan”a 0:1 uduzub. Nəhayət, Cəlilovla “Turan Tovuz”un yolunun kəsişdiyi daha bir oyun var. “Turan Tovuz” ötən il avqustun 17-də Tovuzda, amma “Kəpəz”in nominal meydan sahibi sayıldığı oyunda gəncəliləri darmadağın edib – 3:0.

MÜZƏFFƏR QULUZADƏ