“Neftçi” Əliyar Ağayevin idarə etdiyi oyunlarda qalib gələ bilmir

“Neftçi” bu gün doğma meydanda “Qarabağ”la üz-üzə gələcək.

Azərbaycan derbisini Əliyar Ağayev idarə edəcək. O, cari mövsümdə bakılıların 3, ağdamlıların 2 oyununu idarə edib. “Neftçi” Əliyar bəyin cari mövsümdə idarə etdiyi oyunların heç birində qələbə qazanmayıb.

Bakılıların Misli premyer-liqasının 1-ci və 5-ci turunda “Turan Tovuz” və “Şamaxı” ilə oyunlarında qolsuz heç-heçə qeydə alınıbsa, 7-ci turda “Qarabağ” onları darmadağın edib (4:0).

“Qarabağ”ın “Turan Tovuz”la ev oyununu da Ağayev idarə edib. Həmin oyunda isə qalib müəyyənləşməyib – 0:0.

ƏSƏD SEYİDOV