Srağagün “Qarabağ”ın “Həkken”i məğlub etdiyi oyunu izləyənlər arasında “Turan Tovuz”un sponsoru “Huner Group” şirkətinin təsisçisi və rəhbəri, həmçinin klubun İdarə Heyətinin sədri Ehtiram Quliyev də var idi.

Görəsən, Ehtiram bəy məhz “Qarabağ”ı izləməyə gedibmiş, yoxsa İsveçə səfəri təsadüfən oyunla üst-üstə düşüb? Bu sualı şirkətinin Piar və Marketinq Departamentinin direktoru Nəsimi Paşayevə ünvanladıq:

“Ehtiram müəllim “Qarabağ”ın oyunu zamanı İsveçdə olduğu üçün bilet alaraq ailəsi ilə birlikdə matçı izləməyə gedib.”Qarabağ” hamımızın klubu olduğuna görə bu görüşü izləmək vacib və xoşdu. Hətta Ehtiram müəllim dünən səhər “Zirə” – “Turan Tovuz” matçını canlı izləmək üçün Bakıya qayıtdı. Bir məqamı da əlavə edim ki, hazırda “Turan Tovuz”la əməkdaşlıq etdiyimiz üçün başqa klublarla sponsorluq əlaqəmiz yoxdu”.

CAVİD ƏLİYEV