Seçkilərdə rekord səslə qalib gələn Əziz Yıldırımın ən qısa müddətdə Aykut Kocamanı baş məşqçi postuna gətirəcəyi güman edilir.

"Football-plus.az" xəbər verir ki, Kocamanın təyinatı hələ rəsmiləşməmiş Türkiyə mətbuatında onun heyətdəki bəzi futbolçularla bağlı rəhbərliyə raport təqdim etdiyi qeyd olunub. Belə oyunçulardan biri Marko Asensiodu.

İspaniyalı ulduz geridə qoyduğumuz mövsümdə ''Fənər''in heyətində özünü yaxşı tərəfdən göstərməyi bacaran nadir isimlərdən biri oldu. Ona vətənindən çox ciddi maraq var. Birdən-birə 3 klub - ''Vilyarreal'', ''Espanyol'' və ''Real Sosyedad'' Asensionu həyətində görmək istəyir. Ancaq ''Sözcü'' nəşrinin yazdığına inansaq, Kocaman rəhbərlikdən bu futbolçunun birmənalı şəkildə komandada qalmasını tələb edib.

Təcrübəli mütəxəssis ispaniyalı yarımmüdafiəçinin xidmətindən gələn mövsüm yararlanmağı planlaşdırır. ''Fənər''lə hələ ikiillik müqaviləsi olan 30 yaşlı Asensio Türkiyədə keçirdiyi ilk mövsümü 38 oyun, 13 qol, 14 məhsuldar ötürmə göstəriciləri ilə tamamladı.