“90 dəqiqə 1:1 hesabıyla bitdi. Elita ilə birinci liqa arasındakı fərqə baxanda “Sumqayıt”la 90 dəqiqə heç-heçə oynamağımız, əlavə vaxta getməyimiz pis nəticə deyil. Ona görə də deməzdim ki, pis nəticə göstərdik. Ôtən il eyni mərhələdə "Qarabağ"a 0:1 məğlub olduq. Amma bu il də pis deyildik. Həmin nəticə ilə bərabər bu da bir uğurdu. Biz elita klubu ilə 90 dəqiqə bərabər səviyyədə futbol oynamışıq. Vaqif müəllim “üstün oynadıq” deyib, haqlıdı, belə də olmalıydı. Çünki premyer-liqa komandasıdı və birinci liqa ilə səviyyə fərqi hiss olunur. Düzdü, üstün oynadılar. Oyun başlayandan sonra qədər, demək olar ki, üstünlük onlarda idi. Sadəcə, biz də boş dayanmadıq. Qol vəziyyətləri yaratdıq, hücumlar elədik. Mən komandamdam narazı qalmadım. Oyundan sonra da təbrik etdim. Hər şey də yaxşı oldu. Fikirləşdiyimiz kimi mübarizə apardıq. Sadəcə, əlavə 30 dəqiqədə güc lazım idi. Bir qədər də təcrübə. 90-cı dəqiqədən sonra futbolçularım get-gedə zəifləməyə başladı. Səbrsiz davranıb səhvlər etməyə başladılar. Yəni mən də onları qınamıram. Çünki futbolçularım premyer-liqa komandasına qarşı 90 dəqiqə döyüşdülər. Burda meydança amili də var. Yəni biz ot meydançada oynamırıq, süni meydançada məşq edirik. Təbii otda birdən-birə 120 dəqiqə oynamaq ağır oldu”.