Marandiçi əməliyyat olundu – son durumu necədi?
“Turan Tovuz”un futbolçusu Denis Marandiçi Bakıda əməliyyat olunub.
Bu barədə “Football-plus.az”a klubun mətbuat xidmətinin rəhbəri Süleyman Tağıyev məlumat verib. Onun sözlərinə görə, futbolçunun sağlamlığına nə vaxt qovuşacağı hələ bilinmir:
“Tibbi müdaxilə uğurla başa çatdı. Bundan sonrakı proses klub rəhbərliyinin və həkimlərin nəzarətində olacaq. Futbolçunun ən qısa müddətdə yaşıl meydana qayıtması üçün əlimizdən gələni edəcəyik. Bu yöndə bütün məsuliyyət “Turan Tovuz”un üzərindədi. Müalicə və reabilitasiya prosesində futbolçumuzun yanındayıq. Vəziyyətin nə vaxt tam düzələcəyini demək mümkün deyil”.
Qeyd edək ki, Marandiçi ölkə kubokunun 1/8 final mərhələsində - “Sabah”la matçda Pavol Şafranko ilə mübarizə zamanı zədələnib.
KƏNAN BAHADIR
