Qəzənfər Abbasov ilk dəfə getdiyi Xankəndidən iddialı mesaj verdi
Bu gün ölkə kubokunun 1/8 final mərhələsi çərçivəsində tarixi matç keçiriləcək. Xankəndi şəhər stadionunda keçiriləcək görüşdə premyer-liqa təmsilçisi “Qarabağ” 1-ci liqanın güclülərindən MOİK-i sınağa çəkəcək.
Bilindiyi kimi, dünən komandalar Xankəndiyə yollanıb. Oyunun aşkar favoriti “Qarabağ”dı. Lakin ordu klubu da iddialıdı. Baş məşqçi, futbolçular meydana məğlub olmaq üçün çıxacaqlarını dilə gətiriblər. Aşkar autsayderin düşərgəsində vəziyyət necədi?
Bu suallarla MOİK-in baş məşqçisi Qəzənfər Abbasova müraciət etdik. Mütəxəssis "football-plus.az"a açıqlamasında hər şeyin qaydasında olduğunu bildirdi:
“Şükür Allaha, yol çox rahat oldu. Xankəndidəyik. Bu, mənim Xankəndinə ilk səfərimdi. Təşkilatçılara minnətdarlığımı bildirirəm”.
Qəzənfər bəyin oyunla bağlı fikirləri isə belədi:
“Ciddi hazırlaşmışıq. Rəqibin gücünü bilirik. Buna görə daha məsuliyyətliyik. Görüşə tam heyətlə hazırıq. Zədəli və ya özünü yaxşı hiss etməyən oyunçumuz yoxdu. Nəticədən asılı olmayaraq, baxımlı futbol oynamaq üçün meydana çıxacağıq. Qələbə qazanmaq istəyirik”.
GÜNAY SÜLEYMANOVA
Digər xəbərlər
