“Bəyəndiyim beş-altı futbolçu var” - Cavid Hüseynov BƏƏ-dən nə ilə dönür?
Bilindiyi kimi, “Turan Tovuz"un məşqçisi Cavid Hüseynov ölkə xaricinə yollanıb. Kurban Berdıyevin köməkçisi Birləşmiş Ərəb Əmirliklərinə yollanaraq baş məşqçinin bəyəndiyi bir neçə futbolçunu yaxından izləməliydi.
Klubun məlumatına görə, 2005-07 təvəllüdlü futbolçular arasında keçirilən beynəlxalq turnirdə Hüseynovla yanaşı, tanınmış klubların nümayəndələri də iştirak edir.
Bəs Cavid Hüseynov səfərdən nə ilə dönür? Onun “Football-plus.az” üçün səfər təəssüratı:
“Üçgünlük gəlmişdim. Afrikalı futbolçular vardı, onlara baxmalı, məlumat əldə etməliydim. Bu gün qayıdıram, hazırda hava limanındayam. Bəyəndiyim beş-altı futbolçu var. Bakıya dönəndən sonra bütün məlumatları həm baş məşqçi, həm də klub ilə bölüşəcəm. Yəqin ki, oturub bunu müzakirə edəcəyik. Ondan sonra hansı qərarlar veriləcəyi mətbuata açıqlanacaq, yəni gizli qalan deyil”.
RÖYANƏ OĞUZ
