“Bizi çox çətin oyun gözləyir. Səfərdə, həm də son illərin ən yaxşı formada olan komandasına qarşı oynayırıq. 3 gün öncə İsveçə məğlub olmuşuq. Ona görə yorğunluq var. Buna baxmayaraq, inanıram ki, futbolçular özlərində güc tapacaq və ən yaxşı oyununu göstərəcək. Çünki əvvəlki matçda sübut etdilər ki, biz hücum etməyi, futbol oynamağı bacarırıq. Qol şanslarımız çox oldu. Həmin şanslardan orda da yaradıb yararlana bilsək, inanıram ki, yaxşı olacaq. Bəhlulun yoxluğu böyük itkidi. Amma baş məşqçi deyir ki, onu əvəz edəcək futbolçular var. Fikrimcə, Şəhriyar Əliyev varianti daha yaxşı olar. Son aylar "Turan Tovuz"un heyəti formadadı, Əliyev özünü həmişə hazır hiss edir. Güman ki, onu oynadar. Bilirik ki, "Turan Tovuz" liderdi və əsas üstünlüklərindən biri də müdafiədə qol buraxmamaqdı. Bunun səbəbkarlarından biri də Şəhriyardı. Amma yenə də baş məşqçinin qərarı əsasdı. Futbolçular da başa düşür ki, milli üçün oynayırlar, ürəyini, canını qoymalıdılar. Hansısa inkişafdan və irəli getməkdən danışırıqsa, bu oyunlarda mütləq qələbə qazanmalıyıq. Udulmayacaq rəqib də deyil, bir dəfə yenmişik. Düzdü, son illər onlarda inkişaf, bizdə isə geriləmə getdi”.