Millimiz bu gün Slovakiyanın qonağı olacaq. Bu rəqibi 2022-ci ildə səfərdə məğlub etmişik. Ancaq bu Slovakiya daha möhtəşəm görünür. Bəs millimiz səfərdə uğurlu nəticə əldə edə bilərmi?

2 il öncə bu rəqibə qarşı meydana çıxmış yığmanın sabiq kapitanı Maksim Medvedev “Football-plus.az”a açıqlamasında bunları dedi:

“Vaxtilə mən də bu rəqibə qarşı oynamışam. Bizim vaxtımızda Slovakiya çox yaxşı futbol nümayiş etdirirdi. Onlarla oynamaq bizə çətin idi. İndiki durumda Slovakiyanın gücünə bələd deyiləm. Amma orda futbol və futbolçular həmişə yaxşı olub. Ağır bir səfərə gedib millimiz. Azərbaycanda da məğlub olublar. Çalışmalıdılar ki, son oyunu yaddan çıxarsınlar. Diqqəti bu görüşə yönəldib pozitiv, yüksək əhval-ruhiyyə ilə meydana çıxsınlar. Asan olmayacaq. Amma millimizdə də yaxşı, keyfiyyətli futbolçular var. Yığmamıza uğurlar arzulayıram”.

RÖYANƏ OĞUZ