Premyer-liqada mövsümün sona çatmasına 4 tur qalmış çempion olan “Sabah” sürəti azaltmaq niyyətində deyil. Ona görə ki, klub artıq daha iki yarışda çempion olub.

“Football-plus.az”ın məlumatına görə, “bayquşlar”ın basketbol komandası da ardıcıl 4-cü dəfə ölkənin ən güclüsü statusuna yiyələnib. Onlar final seriyasında “Abşeron Layons”a qarşı keçirilən bütün matçlarda qələbə qazanıb. “Sabah” U-16 liqasında da çempiondu. Son matçda “Neftçi”ni 2:0 hesabıyla məğlub edən “bayquşlar” mövsümün bitməsinə 3 tur qalmış bu uğura imza atıb.

“Sabah” daha bir neçə yarışda çempion ola bilər. Çünki komanda həm əvəzedicilər, həm də gənclər liqasında liderdi. Belə demək mümkünsə, “bayquşlar” indi həm futbolda, həm də basketbolda “at oynadır”, dəbi müəyyənləşdirir.

KƏNAN BAHADIR