Azərbaycan idmançılarının 2026-cı ilin mayı üçün reytinq cədvəli açıqlanıb. Bu barədə Gənclər və İdman Nazirliyi məlumat yayıb.

Siyahıya ötən ay Albaniyanın paytaxtı Tiranada keçirilən Avropa çempionatında qızıl medal qazanan yunan-Roma güləşçisi Həsrət Cəfərov (480 xal) başçılıq edir. Həmun yarışın digər qızıl medalçısı, sərbəst güləşçi Georgi Meşvildişvili (460 xal) 2-ci pillədə qərarlaşıb. Qitə birinciliyində gümüş medal qazanan sərbəst güləşçi Arseni Cioyev (420 xal) ilk “üçlüy”ü qapayır.

Növbəti sıralarda Zelim Kotsoyev (cüdo, 390 xal), Elcan Hacıyev (cüdo, 370 xal), Səidcəmşid Cəfərov (boks, 350 xal), Murad Əhmədiyev (yunan-Roma güləşi, 330 xal), Zelim Tçkayev (cüdo, 320 xal), Ülvü Qənizadə (yunan-Roma güləşi, 300 xal) və Nürəddin Novruzov (sərbəst güləşi, 270 xal) yer alıb.