AFFA İntizam Komitəsinin bu gün keçirilən iclasında ölkə kubokunun yarımfinalının cavab görüşləri ilə bağlı cəza sanksiyaları verilib. “Zirə” – “Turan Tovuz” oyununun cəza dosyesi o qədər də geniş deyil. 4 futbolçusu sarı vərəqə aldığına görə “Turan Tovuz” 700 manat cərimələnib.
“Sabah” – “Qarabağ” oyununda başverənlər paytaxt klubuna 12200, ağdamlılara isə 74500 manat bahasına başa gəlib. Bəs hansı cəzalar verilib?
* 5 nəfər sarı vərəqə aldığı üçün “Sabah” 700 manat cərimənib;
* Azarkeşləri tərəfindən meydançaya kənar əşyalar atıldığına görə “Sabah” da 2000 manat cərimələnib;
* “Sabah”ın azarkeşləri olan hissədən meydana kənar şəxs daxil olduğuna görə paytaxt klubu 6500 manat cərimələnub;
* Azarkeşləri tərəfindən pirotexniki vasitədən istifadə edildiyinə görə “Sabah” daha 3000 manat cərimələnib;
* Mateus Koxalski rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyunu buraxacaq, həmçinin “Qarabağ” buna görə 1000 manat cərimə ödəyəcək);
* Oyun bitəndən sonra Marko Yankoviç hakimin qərarına etiraza görə ikinci sarıdan qırmızı vərəqə aldığına, dəhlizdə hakimə fiziki təzyiq göstərməyə cəhd etdiyinə, hakimə hədə-qorxu gəldiyinə görə 8 oyun buraxacaq, “Qarabağ” 25500 manat cərimə ödəyəcək;
* Azarkeşləri tərəfindən meydançaya kənar əşyalar atıldığına görə “Qarabağ” daha 2000 manat cərimələnib;
* Azarkeşləri tərəfindən dəfələrlə pirotexniki vasitədən istifadə edildiyinə görə “Qarabağ” 7000 manat cərimələnib;
* Azarkeşləri tərəfindən kütləvi şəkildə təhqiramiz ifadələr səsləndirildiyinə görə “Qarabağ” 8000 manat cərimələnib;
* Azarkeşlərinin olduğu sektorda zərər və dağıntı törədildiyinə görə “Qarabağ” 5000 manat cərimələnib. Stadionda sındırılmış 70 ədəd oturacağa görə dəymiş zərər “Qarabağ” tərəfindən qarşılansın;
* Oyun bitəndən sonra “Qarabağ”ın məşqçisi Hüseyn Seyidov hakimə fiziki təzyiq göstərməyə çalışdığına, onu təhqir etdiyinə görə 6 oyunu buraxacaq, “Qarabağ” 18000 manat cərimə ödəyəcək;
* Oyun bitəndən sonra əməkdaşı İlqar Şamilov oyunun rəsmi şəxsinə fiziki təzyiq göstərməyə cəhd etdiyinə görə 5 oyun buraxacaq, “Qarabağ” 8000 manat cərimə ödəyəcək.