“Yayılan məlumatlar həqiqəti əks etdirmir. Həmin iddialar əsassızdı və faktlara uyğun deyil. Məsələ ilə bağlı rəsmi mövqeyim zərurət yaranacağı halda hüquqi qaydada təqdim olunacaq. Kütləvi informasiya vasitələrindən xahiş edirəm ki, dəqiqləşdirilməmiş və birtərəfli məlumatları yaymaqdan çəkinsinlər”.

“Oyunçuların Statusu və Transferi Komitəsinin qərarlarının icrası idman hüququ sistemində hüquqi müəyyənliyin və müqavilə intizamının təmin edilməsi baxımından fundamental əhəmiyyət kəsb edir. Bu qərarların vaxtında yerinə yetirilməsi həm oyunçuların və digər tərəflərin hüquqlarının qorunmasına, həm də futbol münasibətlərində etibarlılığın və sabitliyin saxlanmasına xidmət edir. Əks halda, öhdəliklərin icra olunmaması sistemli pozuntulara və rəqabət mühitinin pozulmasına səbəb ola bilər. Məhz bu səbəbdən AFFA tərəfindən maliyyə yardımının müqavilə əsasında borclara yönəldilməsi mexanizmi tətbiq olunur ki, bu da qərarların faktiki icrasını təmin etməyə xidmət edir.

Asim İbrahimovla klub arasında yaranmış mübahisə ilə bağlı qeyd edilməlidi ki, mübahisə mövcud olduğu andan etibarən AFFA tərəfindən tərəflər dəfələrlə danışıqlara dəvət edilmiş və qarşılıqlı razılaşmanın əldə olunması üçün müvafiq şərait yaradılmışdır. Bununla belə, aparılmış danışıqlara baxmayaraq, tərəflər arasında razılıq əldə olunması mümkün olmamış və danışıqlar prosesi nəticəsiz olaraq yekunlaşmışdır. Nəticə etibarilə, məsələ üzrə hüquq tətbiqedici orqanın qəbul etdiyi qərarların icrasının təmin olunmasına istiqamətinə yönəlib”.