DÇ-2026 üçün maraqlı vakansiya elan olunub. Vakansiya ilə bağlı “Fox” və “Indeed” platformaları məlumat yayıblar.

“Dünya çempionatının əsas tamaşaçısı” vəzifəsi üçün namizəd axtarılır. Seçiləcək şəxsə 50 min dollar mükafat veriləcək.

Məlumatda bildirilir ki, bu işə qəbul olunan şəxs turnirdəki bütün 104 oyunu izləməli, müxtəlif kontentlər hazırlamalı və “Times Square”də keçiriləcək tədbirlərdə iştirak etməlidi. Qeyd edək ki, qrup mərhələsinin 3-cü turunun oyunları eyni vaxtda keçirildiyi üçün namizəd bir neçə matçı paralel izləməli olacaqlar.

DÇ-2026-nın final mərhələsi iyunun 11-dən iyulun 19-dək ABŞ, Kanada və Meksikada keçiriləcək.