“Football-plus.az” xəbər verir ki, matçdan öncə rəqibin baş məşqçisi Tomas Heberlinin mətbuat konfransı keçirilib. Sizi onun fikirləri ilə tanış edirik:
"Biz optimistik, eyni zamanda realist olmalıyıq. Azərbaycan səviyyə baxımından bizə ən yaxınıdı və bu, təbii ki, oyunu vacib edir. Həmişə öz oyunumuzu yaxşılaşdırmağa çalışırıq. İyunda Bakıda keçirilən oyundakı heç-heçədən (1:1) nəyi götürə bilərik? Fikrimcə, biz orda yaxşı oynadıq, xüsusən də birinci hissədə. Azərbaycanın texniki və emosional komandası var, onların oyunçuları yaxşı səviyyədə oynayır. Amma bizim də yaxşı komandamız var. Oyuna nəzarət etməyi bacarmalıyıq, baxmayaraq ki, onlar topa oynamağı sevirlər. İsveçə qarşı oyunda rəqiblərindən daha çox topa sahib idilər və bu, onlar haqqında çox şey deyir. Biz kompakt olmalıyıq, hücum və müdafiə arasında yaxşı tarazlıq tapmalıyıq".
