“5 oyundan xalsız ayrılan "Kəpəz" izləyirik. Yaşar Vahabzadənin yığdığı komanda, Tərlan Əhmədovun transfer etdiyi heyət indi yoxdu. Georgi Kantariya, Mate Kvirkviya, İqor Xvalko, Elçin Əlicanov, Junior Martins kimi oyunçular Yaşarın vaxtından qalırdı. Azər Məmmədov da gələndən sonra bir neçə transfer elədi. Bu transferlərin hamısını göndərib, yeni oyunçular gətirdilər. Ən yarıtmaz iş klubun transfer siyasətidi. Uğursuz çıxışın əsas səbəbi də budu. Oyunların hamısına baxıram, çempionatı izləyirəm. 7 legioner transfer ediblər, onlardan bir hücumçu, biri də qapıçıdı normal olan. Yenə deyirlər ki, oyunçu transfer etmək istəyirik, bunu rəhbərliklə danışırıq və s. Klub maliyyə çatışmazlığından şikayətlənirsə, 10-11 legioneri necə transfer edir? Onların yerinə 6-7 sanballı, normal futbolçu götürüb oynamaq olmazmı? Yoxsa elə yalan yaza-yaza get, nəticə də olmasın. Klubun transfer siyasəti düzgün deyil, hamısı pul tələsidi. Bunu "Kəpəz"dən ayrılanda da, indi də deyirəm. İndiki oyunçulardan xüsusi nəsə gözləmirəm. Göz görə-görə yarıtmaz futbolçuları gətirib saldılar komandaya. Kim edib, necə edib - bunu deyən yoxdu. Yaşarın vaxtında Ahmed Ayzaya 4500 dollar, Kantariya 3500 dollar, Mate 3000 dollar, Junior Martins 1500 və ya 1700 dollar, Şaybu 1000 və ya 1200 dollar, Elçin Əlicanov 1500-2000 manata oynayırdı. İndi isə hamısı gedib yaxşı klublara. Deməli, normal seleksiya getmişdi. İndi isə seleksiyadan söhbət gedə bilməz. İlqar Nadiri nə fikirləşdi, bu transferləri etdi, bilmirik. Sanki şəkər tozu ilə duzu qarışdırıb deyirlər ki, onları bir-birindən ayır. Kim edib, necə edibsə, onlar da cavab verməlidi. Bu “Kəpəz” premyer-liqada qalacaq komandaya oxşamır, o potensialı yoxdu. Baş məşqçiyə oyunçu seçmək səlahiyyəti verilmirsə, deməli, ora onun yeri deyil. Kimsə pul xatirinə qalırsa, deyə bilmərəm. Adil Şükürova o səlahiyyət verilmirsə, orda qalıb işləməyə dəyməz. Elə baş məşqçi də İlqar Nadiri olsun, seleksiyanı da o aparsın. Deyir futbolu hamıdan yaxşı bilirəm, getsin eləsin. Çıxıb getməlidi, hələ də qalıb. Bəzi şeyləri vaxtı gələndə deyəcəm. Bu futbolçuları komandaya götürəndə baxmırlarmı? Azərbaycanda ən böyük bəla transferdi, şəffaflıq yoxdu. Baş məşqçi deyirdi ki, "Kəpəz"in adına görə burdayam". "Kəpəz"in adı qalıb ki? Komandanı premyer-liqada axırıncı yerə salsınlar, desinlər "Kəpəz"in adına görə işləyirəm... Adı belə qorumurlar. Başda İlqar Nadiri olmaqla heç biri qorumur. Heç nə yerində deyil, hər şey tərsinədi. Futbol adamı qalıb kənarda, güləşçi, ağırlıqqaldıran – hamı futboldadı. Keçmişi unutmaq olmaz, amma keçmişlə yaşamaq da olmaz. Komanda 3 dəfə çempion oldu, 4 dəfə kubok götürdü, qaldı tarixdə. İrəli baxmaq lazımdı. Mən keçmişdə futbol oynamışam, qaldı keçmişdə. "Kəpəz"in adı bircə turnir cədvəlində qalıb. Orxan Sadıqlı 1000 manat maaş alirdı, Tərlan müəllim 1700 manata qaldırdı. Orxan əsas heyətdə durdu bütün oyunlarda, yaxşı qapıçı idi, məhv elədilər. Onu göndərib Belarusdan 5000 dollara qapıçı, üstəlik birini də Portuqaliyadan gətirdilər. İkisinə 10 min dollar verdilər. Orxana isə 3000 vermədilər. Onu istəmədilər, Kamran yerli oyunçu idi, getdi "Karvan"a. Bu nə dərəcədə düzgündü? Deməli, burda əsas hədəf transferdən pul yeməkdi. “Pulum yoxdu” deyirsən, sonra da iki legioner qapıçı gətirib, o qədər pul verirsən. Hələ ki, onu çıxara bilmirsən, kompensasiyasını alıb gedir. "Kəpəz"in adı üçün belə işləyirlər?! Orxana "sənə 1800 manat maaş veririk, gəl" dedi. Amma əcnəbiyə 5000 verirdi. Birdən-birə bu qədər futbolçu dəyişər komandada? Heç kimə pul vermirsən, bu qədər futbolçu gətirirsən. Sonra deyir pul yoxdu, çətinlik çəkirik. "Səbail"lə oyunda 4 qol vurdular "Kəpəz"ə. Protokola baxıram, “Səbail”in 7 legioneri var, Azərbaycan səviyyəsində futbolçular transfer edib. "Şamaxı"ya gələn Kantariyani "Kəpəz"ə gətirə bilməzdiz? "Şamaxı" da eyni büdcə ilə oynayır da. AFFA bəlkə gizlincə onlara 10 milyon, “Kəpəz”ə 3 milyon verir? Danışanda adam əsəbləşir. Adil "Kəpəz"dən getdisə, komanda bundan da pis vəziyyətdə olacaq. Ən böyük problem rəhbərlikdədi. İlqarın bəlkə fikri odu ki, Adili yola salsın, başqasını gətirsin. Gəncədə birinci getməli olan rəhbərlikdi, elə "Neftçi"də də. Çünki orda da Qriqorçuk heç nə edə bilməyəcək".