''Hans-Diter Flikin gəlişi ilə ''Barsa''da tamamilə yeni dönəm başlayır. Üzərimizdə çox çalışmalıyıq. Ən azı ötən mövsümdəkindən daha çox. Bu, nəticələri yaxşılaşdırmağın və nəsə qazanmağın yeganə yoludu. Potensialımızın böyük olduğunu bilirik. Amma biz komanda şəklində hərəkət etməliyik. Ən əsası gücümüzün 100 faizini qoymalıyıq. Xavi ''Barselona''da çox yaxşı işlər gördü. Baxmayaraq ki, komandanın başına çətin dönəmdə keçmişdi. Xavinin ''Barselona'' ilə emosional bağlılığı var. Ona görə də bəzən onun üçün asan olmurdu. Son aylar nə onun üçün ideal alındı, nə də biz futbolçular üçün. Reallıq budu ki, Xavi ''Barsa''ya gəldikdən sonra çox şeyi dəyişdi. Burda onun başçılığı altında keçirdiyim dönəmlə qürur duyuram. Mbappe və mən fərqli oyunçularıq. O, bir qədər fərqli mövqedə oynayır və oyun tərzimiz də fərqlidi. Əlbəttə ki, Mbappe əla futbolçudu. Amma komandamın imkanlarını gözəl bilirəm. ''Real' ilə oyuna yaxşı hazırlaşsaq və öz səviyyənizi nümayiş etdirə bilsək, ''El Klasiko''da qalib gələ bilərik''.