''Qalatasaray''ın yeni transferi superkuboku buraxacaq
Bu gün Türkiyədə bütün diqqətlər ''Atatürk Olimpiya''ya yönələcək. Bu stadionda ölkə superkuboku uğrunda oyunda ''Qalatasaray'' ilə ''Beşiktaş'' üz-üzə gələcək.
Bu arada ''Cim-Bom''un yeni transferi Elias Yelertin prinsipial derbini buraxacağı məlum olub. Bunu komandanın baş məşqçisi Okan Buruk açıqlayıb. Onun sözlərindən belə başa düşmək olar ki, hazırlıqlara gec qoşulan kolumbiyalı müdafiəçi Devinson Sançesin də oyunda iştirakı sual altındadı:
''Sançes məşqlərə yenicə qoşulub. Amma tətildən çox yaxşı durumda qayıdıb. Onun ən qısa müddətdə formasını bərpa edərək oynamağa hazır olacağını düşünürəm. Yelertin isə az da olsa, ağrıları. Bu üzdən riskə getmək istəmədik və adını iştirak ərizəsinə salmadıq. Gələn həftə çempionat başlayır. Sonra Çempionlar Liqasında təsnifat oyunlarımız olacaq. Mövsümə hazır vəziyyətdə daxil olmaq istəyirik. Əslində Yelerti məşqə çıxara bilərdik. Amma risk etmədik. 1-2 gün dincəldikdən sonra məşqlərə başlayacaq. Onu nəzərə almasaq, heyətlə bağlı heç bir problemimiz yoxdu''.
Qeyd edək ki, ''Qalatasaray'' 21 yaşlı sağ müdafiəçi Yelerti bir neçə gün öncə 9 milyon avroya ''Kopenhagen''dən transfer edib.
ƏLİ
Digər xəbərlər
