“Özümüzdə qətiyyən günah görmürük. 15 ildən artıqdı “İmarət Tayfa” daim təbliğat aparır. Futbol turnirləri keçirirdik. Bütün vəsaitin, demək olar ki, çox hissəsi öz hesabımıza olub. Bəzən sponsorlar və “Qarabağ”ın rəhbərliyi yardım edib. Hər gün konsert salonlarında tədbirlər keçirilir. Özüm “İticket.az” saytında baxıram və görürəm ki, 30-1000 manatlıq tədbirlər olur. Konsert salonları da həmişə dolu olur. “İmarət Tayfa” olaraq, çempionatın səviyyəsini biz qaldıra bilmərik. “Qarabağ” avrokuboklarda zəif çıxış edəndə stadion dolu olurdu. İllərdi AFFA rəhbərliyində oturan şəxslərin siyasətinə nəticəsində azarkeşlər futboldan soyuyub. Bunun maddi duruma da dəxli yoxdu. Fanklublar olmayan və milli komandamız uğurlu çıxış etmədiyi zaman azarkeş kütləsi var idi. Deməli, burda fanklubluq bir iş yoxdu. Bölgə komandaları səviyyəsində yaxşı rəqabət var idi. Bu rəqabət futbola maraq qatırdı. İndi “Qarabağ” hegemonluq edir və heç bir komanda dayandıra bilmir”.