“Niyə “İmarət tayfa” ilə ildə bir dəfə Avroliqa oyununa gələn adam bileti eyni qiymətə almalıdı?” – etiraz səsini ucaltdı
Sabah Azərbaycan derbisi keçiriləcək.
3-cü sırada qərarlaşmış “Neftçi” lider “Qarabağ”ı qəbul edəcək. Görəsən, "Neftçi Arena"da qələbəlik yaratmaq mümkün olacaqmı? Axı “Qarabağ” Avropa Liqasında 1/8 finala adlamaqla tarix yazıb. Üstəlik rəqibdən də sıradan biri yox, ölkənin ən titullu ikinci klubu olan “Neftçi”di. “Football-plus.az” Azərbaycan derbisi ilə bağlı fikirlərini öyrənmək üçün “İmarət tayfa ” azarkeş qrupunun rəhbəri Elnur Quliyevə müraciət etdi:
“Əslində istəyirik ki, “Qarabağ” adına görə oynadığı hər qarşılaşmada qələbə qazansın. Azərbaycan çempionatı, kuboku və UEFA turnirləri də daxil olmaqla. Düzdü, Avropa Liqasını qazanmaq çətindi. Amma ölkə çempionatını və kubokunu qazanmaq realdı. Biz də “Qarabağ”ın mümkün qədər irəli getməyini istəyirik. Bir də klubun strategiyası olmalıdı. “İmarət tayfa” ilboyu klubu dəstəkləyir. Niyə “İmarət tayfa” ilə ildə bir dəfə Avroliqa oyununa gələn adam bileti eyni qiymətə almalıdı? Məncə, klub bilet satışının strategiyasında dəyişiklik etməlidi. Həmin adamlara üç-dörd baha qiymətə satılmalıdı”.
ƏSƏD SEYİDOV
