Misli premyer-liqasının 21-ci turunun “Səbail” – “Qarabağ” (1:2) matçında diqqətçəkən qonaq var idi. Söhbət “Qalatasaray”ın idman direktoru Cenk Ergündən gedir.

Mediada onun Bakıya səfərinin səbəbi ilə bağlı bir çox iddia var. Gah sadəcə, istirahət məqsədli olduğunu deyirlər, gah da “Qarabağ”dan Elvin Cəfərquliyevlə Toral Bayramovun “Qalatasaray”a transfer olunacağını güman edirlər. Maraq üçün qeyd edək ki, həm “köhlən atlar”ın, həm də Türkiyə təmsilçisinin rəsmiləri oyunçularla bağlı versiyanı qəbul etmir.

“Hürriyet” qəzetinin “Qalatasaray” üzrə müxbiri Nevzat Dindar isə qeyd olunanların əskini qələmə alıb. Türkiyəli həmkarımızın iddiasına görə, Cenk Ergün məhz Toralın performansını izləmək üçün “ASCO Arena”ya təşrif buyurub. Matçdan sonra futbolçu haqda müsbət fikirdə olduğunu və transferin mümkünlüyünü deyib. Onun diqqətini cəlb edən cəhətlərdən biri isə futbolçunun həm sağ, həm də sol cinah müdafiəçisi kimi çıxış edə bilməsidi.
Mövzuyla bağlı “GZT GS” portalında da xəbər tirajlanıb. İdman jurnalisti Nevzat Dindarın fikirlərini təsdiqləyən media orqanı azarkeşlərin bu keçidi dəstəkləyib-dəstəkləmədiyi haqda sorğu keçirib. “Qalatasaray” tərəfdarlarının əksəriyyəti bu addımın doğru və gələcəyə yatırım mahiyyəti daşıdığını dilə gətirib. Sizi bəzi rəylərlə tanış edirik.

“Qarabağ”ı izləyirik. Topla çox yaxşı davranırlar. Gənc və sürətli komandadı. Uğura acdılar. Bu fürəti qaçırmaq olmaz”.
“”Hücumçudu, yoxsa müdafiəçi? Maşallah, bəlli olmur. Uyğun qiymətə alıb inkişaf etdirmək olar”.
“Çox şükür, Okan Buruk “Qarabağ”a tərəf boylandı. Təkcə Toral yox, Abdulla Zubir də alınmalıdı”.
“Qarabağ”da bacardıqlarını burda da edə bilər? Bəlkə də yox, amma bizə belə xarakterli futbolçular lazımdı”.
“Qalatasaray” kimi komandada azərbaycanlı futbolçunun olmaması böyük ayıb idi. Qardaşlarımız da bizimlə olmalıdı”.
“Dərhal alın. Toralı televiziyadan izləyəndə belə adamı heyran edir. Bakıya getməyə nə ehtiyac var idi?”.
“Qarabağ”dan Toralı, “Hatayspor”dan Renatı almaqla bu işi bitirin”.

KƏNAN BAHADIR