Mümkünsüz arzularla alovların arasından üzmək... – Dambrauskas şeir dedi
Dünən səfərdə KuPS-u məğlub etməklə ən azı Konfrans Liqasının əsas mərhələsinə vəsiqə qazanan “Sabah”ın baş məşqçisi Valdas Dambrauskas necə vəcdə gəlibsə, bir saat əvvəl “feysbuk” hesabında məşhur “Versus Them” qrupunun “Impossible Dreams” (Mümkünsüz arzular) mahnısından sətirlər paylaşıb:
Və bu gecənin içindən üzməyi davam etdirmək yoludu...
Mümkünsüz arzularla alovların arasından üzmək...
Litvalı mütəxəssis şeirin ardından bu sözləri əlavə edib:
“Tarixin yazıldığı daha bir sirli gecə. Cəmi 9 il əvvəl yaradılan “Sabah” 2026/27 mövsümündə avrokubokların birində əsas mərhələyə vəsiqəni təmin etdi. Bir ildən də az müddətdə Azərbaycan çempionatındakı və kubokundakı qələbədən sonra möhtəşəm desertdi. Qürur duyduğumu demək azdı. Sevincimi bölüşdüyüm möhtəşəm adamlar qrupu! Mümkünsüz arzularla növbəti mərhəyələ üzürük!”
Digər xəbərlər
