"Mən heç vaxt komandanı müdafiə və hücuma bölməmişəm. Rəqibə qarşı möhkəm dayanmalı və öz güclü tərəflərimizi göstərməliyik. Bütün komanda maksimum gücünü ortaya qoymalıdır. Heç kim qeyri-stabil çıxış etmək istəmir. Amma bu, dünyanın hər yerində baş verir. Sabitlik lazımdı. Bilirəm ki, Bolqarıstanda prosesləri gözləməyə səbir yoxdu. Lakin bunun üçün vaxt tələb olunur. Hamımız buna nail olmaq üçün çalışırıq. Ceyms Eto'o "Botev"lə matçda olduğu kimi, "Qarabağ"a qarşı da oynamağa hazırdı. Bütün futbolçuların ən yaxşı formada olmasını istəyirəm. Ceyms keyfiyyətli futbolçudu. Hamımız istəyirik ki, meydana çıxanda komandaya qələbə qazandıran oyun nümayiş etdirsin".

"Mən hər gün eyni işi görürəm - komandanı növbəti oyuna ən yaxşı şəkildə hazırlayıram. Qarşılaşmanın əhəmiyyətini və rəqibin ciddiliyini bilirik. Xəyallara qapılmırıq, ayaqlarımız yerdədi. Azarkeşlərin dedikləri vacibdi. ÇSKA hər vəziyyətdə irəli getməlidi. Oyunda baş verə biləcək bütün ssenariləri nəzərə almışıq. Hər şey ola bilər. Keyfiyyətimiz var və öz gücümüzə inanmalıyıq. İlk matç göstərdi ki, "Qarabağ"ın oyununda bizi narahat edə biləcək çox məqam var. Onların yaxşı futbolçuları, təcrübəli baş məşqçisi və öz oyun üslubu var. Bütün bunları ətraflı təhlil etmişik. Amma bizim də çox keyfiyyətli futbolçularımız var. Rəqibin oyununa tam uyğunlaşmamalıyıq. Sabah uğur qazana bilərik".

"Hazırda futbolçu olduğum dövrlə müqayisədə daha çox məlumata sahibik. İşlədiyim məşqçilərdən, həmçinin "Liverpul", "Milan", "Blekbern" və "Bayer-04"ə qarşı keçirdiyim oyunlardan çox şey öyrənmişəm. Həmin matçlardakı məşqçilərimin öz futbolçularına inamını nümunə götürürəm. O vaxt stadion qaynayan qazan idi. Sabah da bunu görmək istəyirəm. Enerji meydançaya ötürülməli və hamı hansı böyük klubda çalışdığımızı hiss etməlidi".