“Zirə” sabah Konfrans Liqasının 2-ci təsnifat mərhələsinin oyununda “Payde”ni qəbul edəcək.

“Football-plus.az” xəbər verir ki, bu gün “qartallar”ın baş məşqçisi Rəşad Sadıqov oyunöncəsi mətbuat konfransı keçirib.

- Bizi “Payde”yə qarşı cavab görüşü gözləyir. İlk matçda 0:1 hesabıyla məğlub olmuşuq. Sabah doğma meydanda cavab görüşünə çıxacağıq. Azarkeşlərimizin qarşısında əlimizdən gələni edəcəyik. Baxımlı oyun göstərməyə, turu keçməyə çalışacağıq.

- “Payde” “Torpedo”dan çətin rəqib idi?
- Bəzi suallara istədiyim cavabı verə biıməyəcəm. Hər deyilən sözü rəqib təhlil edir. Oyun üslubu baxımından oxşar komandalardı. Lakin fərqli nəticə alındı. Komandamın çıxışından razı qalmışam. Qarşımızışda təcrübəli, nəticəyə önən verən komanda var idi. İlk matçda rəqibi yaxşı təhlil etmişdik. 1-ci hissədə fərqlənməliydik. Bir çox qol epizodumuz oldu. 2-ci hissədə isə gah rəqib üstün olurdu, gah da biz. Lakin künc zərbəsindən gələn ötürmədən qol buraxdıq. Bura Avropadı, asan rəqiblər olmur. Burda rəqib hər an nəticəni dəyişə bilər. Yaxşı oynamaq kifayət etmir. Bu səbəbdən sabah həm yaxşı oynamağa, həm də nəticəyə önəm verəcəyik. Rəqibin təcrübəli futbolçuları var. Turu keçmək üçün əlimizdən gələni edəcəyik

- Turu keçəcəyiniz halda hansı rəqiblə oynamaq istəyirsiz?
- Biz bu barədə düşünmürük. Biz ilk turu qazananda heç cütün oyunlarına baxmamışdım. Bizi düşündürən bir amil var: sabah uğurlu olub, turu öz xeyrimizə çevirmək.

- Növbəti matçda öz oyun üslubunuza sadiq qalacaqsız?
- Aşağı-yuxarı eyni ssenari olacaq. Yenə 2-ci hissədə rəqibin üstün oyun oynayacağını güman edirik. Ümumi planlarını bilmirik. İlk dəqiqələrdən öz oynumuzu oynamağa çalışacağıq.

- Ötən mövsüm gördüyümüz İssa Cibrilla yoxa çıxıb. “Payde” ilə matçda həmin Cibrillanı görə bilmədik. Zədəsi var, yoxsa problem nədi?
- Bizdə bəzi məsələlər dərindən təhlil olunmur. Bu səbəbdən çətinlik çəkirik. Kubokun finalında da onu 55-ci dəqiqədə əvəzlədik. Bu səbəbdən qınanmışdıq. İssa ötən mövsüm 6 dəfə zədələnib. “Payde” ilə səfərdə ona şans verdik. Hazır olmadığını bilirdik. Ümid edirəm ki, sabah yaxşı oyun keçirəcək. Start heyətində matça çıxıb-çıxmayacağını sabah öyrənəcəyik.

- “Zirə” yeni transferlər edib. Yeni Sumaya ehtiyacınız olduğunu deyə bilərik?
- Biz gənc oyunçulara şans veririk. Ötən mövsüm Abdul Əzizə şans vermişdik. Lakin o zədə səbəbindən özünü doğrultmadı. Gənc oyunçuları Avropaya göndərmək əsas məqsədlərimizdən biridi.

- Yeni transferlər olacaq?
- Bəzi legioner futbolçuları nəzərdən keçirmişik. Sadəcə, onların komandanın oyun üslubuna xələl gətirməsini istəmirik. Fürsətdən istifadə edərək “Sabah”ı təbrik edir, qalan komandalarımıza uğurlar arzulayıram.

Mətbuat konfransına qatılan Ruan Renato da oyunla bağlı fikrini bölüşdü: