"Çox keyfiyyətli və yaxşı məşqçi tərəfindən hazırlanan komandaya uduzduq" - KuPS-un baş məşqçisi
“Bir həftə əvvəlki oyundan fərqli futbol nümayiş etdirmək istəyirdik. Xüsusilə ilk hissədə buna nail olduq. Topa daha çox sahib olduq, hücumlar qurduq, rəqibə təzyiq etdik və bir neçə yaxşı qol imkanı yaratdıq. Amma ilk qolu vura bilmədik”.
"Football-plus.az" xəbər verir ki, bu sözləri KuPS-un baş məşqçisi Miika Nuutinen Çempionlar Liqasının 2-ci təsnifat mərhələsinin cavab oyununda “Sabah”a 0:2 hesabı ilə uduzduqları oyundan sonra deyib.
Mütəxəssis “Sabah”ın hesabı açmasından sonra oyunun dəyişdiyini vurğulayıb:
“Rəqibin ilk qolunun qarşısını daha yaxşı ala bilərdik. Bundan sonra oyuna əvvəlki kimi nəzarət edə bilmədik və enerjimiz azaldı. Evdə 0:2 hesabı ilə uduzduğumuz üçün çox məyusuq. Amma Bakıda keçirdiyimiz ilk oyundan fərqli olaraq, bu dəfə olmaq istədiyimiz KuPS-a daha çox bənzəyirdik”.
O, “Sabah"ı komanda kimi yüksək qiymətləndirib:
“Biz çox keyfiyyətli və yaxşı məşqçi tərəfindən hazırlanan komandaya uduzduq. “Sabah”ı təbrik edirəm”.
Xatırladaq ki, ilk matçda da qalib gələn (1:0) “Sabah” Çempionlar Liqasında 3-cü təsnifat mərhələsinə yüksəlib.
Digər xəbərlər
