"Biz dəfələrlə çempionatda yeni olduğumuzu demişik. Komandamız yeni formaşan yox, formalaşmaqda olandı. Bundan başqa, meydanların süni olması, zədələr də özünü göstərir. Həmçinin hakimlər də əleyhimizə qərarlar verib. Bunu deməklə heç də ölkə futbolunda hakimliyin səviyyəsinin aşağı, bütün referilərin bizimlə qərəzli olduqlarını demək istəmirəm. Amma "Qaradağ Lökbatan"la son oyunumuzda hakim haqsız qərarlar verdi. Halbuki İnqilab Məmmədov yetərincə təcrübəli referidi, ondan belə qərəzli qərarlar gözləmirdim. Futbolçumuz Bəhlul Əliyevi cərimə meydançasında dartıb yıxırlar, baş hakim yezfaizlik penaltini vermir. Amma bizim futbolçu ilə rəqib futbolçu arasınsa 60-70 santimetr məsafə olduğu və ona toxunuş etmədiyi halda 29-cu dəqiqədə qapımıza penalti təyin olunur. Yəni son oyunda hakimin səhv qərarı üzündən uduzduq deyərdim. Reallıq budu ki, İnqilab Məmmədov yanlış qərar verdi. AFFA-ınn keçirdiyi təlimlərdə iştirak edərkən təlim rəhbəri Seymur Səlimliyə də "Qaradağ Lökbatan"la oyundakı epizodu və hakim səhvini göstərdik. Seymur bəy də qeyd etdi ki, peşəkar biriyəm, ona görə də burda nəsə deməyim doğru deyil. Araşdırıb sizə cavab veriləcək. Cavab gözləyirik. Biz demirik ki, hakimlər tənqid atəşinə tutulmalı, işlərinə yersiz müdaxilələr olmalıdı. Amma hakimin hər şeydə toxunulmaz olması prinsipini qəbul etmirik. Tək "Difai Ağsu"ya yox, bütün komandalara qarşı haqsızlıq edən referilərlə bağlı ciddi tədbirlər görülməlidi. Oyunlarda yüksək səviyyəli, peşəkar hakim idarəçiliyini görmək istəyirik. Ötən açıqlamamda dediyim kimi komandamız yalnız çempionata, stadionlara yox, hakimlərə də uyğunlaşmağa çalışır. Həqiqətən də biz meydana çıxanda 11 yox, 14 nəfərlik rəqibə qarşı oynayırıq".