1-ci liqada 3-cü tura yekun vuruldu - YENİLƏNİB
1-ci liqada 3-cü turun ilk 3 matçının dünən keçiriləcəyini yazmışdıq. Sonradan bəlli oldu ki, oyun cədvəlində dəyişiklik edilib.
Belə ki, Peşəkar Futbol Liqasının qərarıyla “Qaradağ Lökbatan” – “İrəvan”, “Araz Saatlı” – “Mingəçevir” və “Karvan” – “Difai Ağsu” oyunları yeri və saatı eyni qalmaqla sentyabrın 29-a keçirilib. Təbii ki, dəyişikliyin səbəbini təxmin etdik. Dünən sentyabrın 27-si, yəni ölkəmizin azadlığı və ərazi bütovlüyü uğrunda canlarını fəda etmiş şəhidlərimizin anım günü idi. Bəs, PFL cədvəli tərtib edərkən bunu bilmirdi? Matçları öncədən əlverişli günə təyin etmək mümkün deyildi?
Bu suallarla qurumun media və marketinq direktoru Sənan Abdullayevə müraciət etdik. Onun mövzu haqda "Football-plus.az"a söylədiklərini dinləyək:
“Bəli, sentyabrın 27-si şəhidlərimizin əziz xatirəsinin yad edildiyi gündü. Həmin gün çoxlu tədbir və mərasim olduğundan tarixi dəyişmək qərarına gəldik. Bu haqda rəsmi saytımızda ictimaiyyətə məlumat vermişik. Oyun cədvəlinin tərtib edilməsinə gəlincə, Peşəkar Futbol Liqası bütün matçların peşəkar səviyyədə keçirilməsinə çalışır. Təbii ki, bizdə bütün departamentlərin öncədən 1, 3, 6 ay, 1 illik planlaması olur və işlər buna uyğun aparılır. Yəni atılan addımların öz səbəbi var. Sentyabrın 27-də keçirilməli olan matçların əksəriyyəti regionlarda idi və o oyunların vaxtlarının dəyişdirilməsi də bu sıraya aiddi”.
29 sentyabr
Qaradağ Lökbatan – İrəvan 0:1
Elşən Abdullayev, 86
Hakimlər: RAUF CABAROV, Müslüm Əliyev, Tərlan Talıbzadə, Vüqar Həsənli.
Hakim-inspektor: Ömər Paşayev.
AFFA nümayəndəsi: Zaur Hacı-Məhərrəmov.
Neftçi Futbol Mərkəzi (4-cü meydança). Saat 14.00.
Araz Saatlı – Mingəçevir 0:2
Elsevər Bəkirzadə, 16. Tural Məmmədzadə, 36.
Hakimlər: KAMRAN ƏLİYEV, Asiman Əzizli, Rasim Axundov, Əkbər Əhmədov.
Hakim-inspektor: Orxan Məmmədov.
AFFA nümayəndəsi: Yavər Rəhimov.
Saatlı, OİK stadionu. Saat 15.00.
Karvan – Difai Ağsu 2:0
Elnur Mustafazadə, 71. İzzər Müştaqov, 76.
Hakimlər: ƏLİ ƏLİYEV, Kamran Bayramov, Rəhman Aslanov, Namiq Bəkirov.
Hakim-inspektor: Asim Xudiyev.
AFFA nümayəndəsi: Elçin Məmmədov.
Yevlax, şəhər stadionu. Saat 15.30.
28 sentyabr
Zaqatala – MOİK 2:2
Hakimlər: İSLAM MƏMMƏDOV, Eyyub İbrahimov, Mirnihad Seyidov, Elvin Bayramov.
Hakim-inspektor: Rövşən Əhmədov.
AFFA nümayəndəsi: İlham Əliyev.
Zaqatala, OİK stadionu. Saat 15.00.
İmişli – Şamaxı 0:3
Hakimlər: SƏBUHİ BAYRAMOV, Şirmamed Mamedov, Sənan Atayev, Rövşən Rəcəbov.
Hakim-inspektor: İmanxan Sultani.
AFFA nümayəndəsi: Erkin Hüseynov.
Saatlı, OİK stadionu. Saat 15.30.
Xal durumu: Şamaxı, Karvan, MOİK, İrəvan – 7, qARADAĞÖ lÖKBATAN - 4, İmişli, Mingəçevir – 3, Zaqatala - 2, Difai Ağsu – 1, Araz Saatlı – 0.
Bombardir: Emin Zamanov - 4 qol
KƏNAN BAHADIR
Digər xəbərlər
