“Neftçi” rəsmisi: “Onları qınamıram, amma mən elə hərəkət etməzdim”
"Neftçi" - "Şamaxı" oyunundan sonra "ağ-qaralar"ın futbolçuları "Forza Neftçi" azarkeş qrupuna tərəf getdi. Lakin fanatlar onlara arxa çevirdi.
"Football-plus.az" saytı olaraq bu davranışla bağlı adı çəkilən azarkeş qrupunun rəhbəri Səccad Abbasovla əlaqə saxladıq. Onun açıqlaması qısa oldu:
"Həmin hərəkət etiraz formasızdı. Bunun da əsas səbəbi komandanı mövsümdəki bərbad çıxışıdı".
Məsələ ilə bağlı klubun azarkeşlərlə əlaqələndiricisi Aqil Məmmədquliyevin də fikirini öyrəndik:
"Azarkeşlərin hərəkətiylə bağlı mən də mətbuatdan oxumuşam. "Şamaxı" ilə matçda stadiondaydım, kütləvi şəkildə elə bir hərəkət, laqeydlik görmədim. Fərdi və qrup halında kimlərsə etiraz edib. Onları qınamıram, amma mən elə hərəkət etməzdim. Ona görə qınamıram ki, həqiqətən də "Neftçi" mövsümü bərbad keçirib. Bunu tək mən, azarkeşlər yox, klubun prezidenti Kamran Quliyev və başqa rəsmilər də dilə gətirib. Yeganə ümid yerimiz kuboku qazanmaqdı. Bəlkə onda azarkeşlərimizi sevindirə bildik".
ABDULLA İSMAYILOĞLU
Digər xəbərlər
